影片
更多
2015-03-13
1488 瀏覽
事緣小弟食量都驚人，所以一星期都有一次同朋友去周圍去放題 韓燒 自助餐咁，今次就誤大誤撞搵到哩間好野。廢話唔多講直接入正題話你知有幾好。環境 : 由於係位於酒店入的日式放題的關係，乾淨整潔，而且內部裝修雖然唔係豪華但勝在簡潔得黎又有日式風味，不會令人擁擠。服務 : 由門口的姿客小姐到店內的侍應生 及至經理都十分健談，及有求必應 尤其是追單更係快手到冇人有。讚!!!食物:晚午時段原來除了自助放題亦有自選單叫食品，依家仲推出左個類似西式的頭湯大甜的Set Dinner 比我地簡，但我地哩D食物焚化爐又點會岩哩一味。可能係為左酒店內的情侶顧客提供多一個選擇，唔錯唔錯。雖然係放題，但由於哩間的規模算係小型。但麻雀雖小，五臟俱全。需要有既佢地都有提供，只見小小一個餐牌座都插左A - O 個大Items 內又細分幾個細Items，可以話係都滿足到量的需求，但質卻係超班。刺身新鮮肥美之餘，廚師仲唔會孤寒地叫十份黎五份的情況，我地2個人就可能叫唔多，但隔離就有張6人枱叫幾多黎幾多，係出面其他同類放題可以做到。壽司方面 : 舊飯唔會大舊過上面既魚生，而且亦夠實井，唔會一夾就散。而最好味既就係火焰三文魚及
事緣小弟食量都驚人，所以一星期都有一次同朋友去周圍去放題 韓燒 自助餐咁，今次就誤大誤撞搵到哩間好野。廢話唔多講直接入正題話你知有幾好。環境 : 由於係位於酒店入的日式放題的關係，乾淨整潔，而且內部裝修雖然唔係豪華但勝在簡潔得黎又有日式風味，不會令人擁擠。
服務 : 由門口的姿客小姐到店內的侍應生 及至經理都十分健談，及有求必應 尤其是追單更係快手到冇人有。讚!!!
食物:
晚午時段原來除了自助放題亦有自選單叫食品，依家仲推出左個類似西式的頭湯大甜的Set Dinner 比我地簡，但我地哩D食物焚化爐又點會岩哩一味。可能係為左酒店內的情侶顧客提供多一個選擇，唔錯唔錯。
雖然係放題，但由於哩間的規模算係小型。但麻雀雖小，五臟俱全。需要有既佢地都有提供，只見小小一個餐牌座都插左A - O 個大Items 內又細分幾個細Items，可以話係都滿足到量的需求，但質卻係超班。
刺身新鮮肥美之餘，廚師仲唔會孤寒地叫十份黎五份的情況，我地2個人就可能叫唔多，但隔離就有張6人枱叫幾多黎幾多，係出面其他同類放題可以做到。
壽司方面 : 舊飯唔會大舊過上面既魚生，而且亦夠實井，唔會一夾就散。而最好味既就係火焰三文魚及鰻魚，用火槍"彈"一"彈"反而令個2款魚生無論係味道和氣味都更上一層樓。特別推介芥辣八爪魚軍艦，係餐廳人氣食品，特色係咩?我唔劇透太多，你地自己去試下啦。
牛油帆立貝、天婦羅及串燒食品都係必食之選。由於小弟並不好蠔類，並不代表哩間餐廳的蠔就唔得，偷聽隔離枱的食後報告 無論係芝士焗蠔定吉利廣島蠔都係蠔中之選。
題外話/補充資料：
小小資訊 : 之前花千樹放題係冇甜品簡，但依家就多左個新Choose 係甜品 及 埋單時亦有張晚午優惠卷送贈下次使用，走之前唔好忘記攞。
(以上食評乃用戶個人意見 , 並不代表OpenRice之觀點。)
張貼
