入面幾熱鬧，服務都幾爽手。Masala雞肉質鮮嫩幾香口，醬汁濃郁，送飯一流；安格斯牛卷份量十足，食落肉味夠，抵讚！豚肉餅煎得香脆，入面肉餡juicy，值得試；沙律菜新鮮爽脆，清一清味蕾剛好，茄子同豆腐大阪燒煮得入味，大阪燒面頭淋咗沙律醬同燒汁，口感豐富。
叫咗兩款冷菜，左口魚秋葵同溫泉蛋，清清地幾開胃。特別鍾意佢個飯，可以揀櫻花蝦或者雞蛋醬油撈飯，我揀咗少飯，啱啱好。飲品方面，柚子蜜同接骨木花蜜都唔會太甜，飲完成個人順晒。
整體唔錯，食物有水準，份量夠又唔馬虎。雖然價錢中上，但見咁多人排隊都算有理由。經過荃灣想食日式嘢，呢間值得一試！
6
17
1
