星海薈 (利舞臺廣場)

營業中

休息中

一踏入星海薈，不禁＂嘩＂一聲。裝飾以深藍為主，好高貴好有氣派，樓底高，好有酒店既感覺，亦好適合做婚宴場地。今日黎食tea，叫左幾個點心。法國鵝肝煎鍋貼一碟三件，賣相很精緻。趁熱一口咬落去，多汁，又有D鵝肝點綴，味道好夾，一個字，正!金銀蒜蒸娃娃菜簡單一D 即係一碟菜，叫碟菜清清地。呢碟菜真係名副其實，好濃既蒜，幾香，食落唔錯。蘿白絲脆網腸粉賣相好似炸兩。一咬落去就知好野! 腸粉內有兩層，上層係橙色既脆網，而下層就係白色既蘿白絲，十分分明。食落好香蘿白味，腸粉亦好滑! YUM!!冬菇包好可愛既賣相，呃like必叫! 以為呢個係睇得唔食得既包，原來估錯! 一拉開個包，就見到大量紫薯係入面，趁熱食好正!!翡翠明蝦餃傳統蝦餃用左綠色皮包，大大隻蝦，有口感，係高質既蝦餃!除左以上既點心，仲想講下D茶。用左Ｄ精緻既茶壺，已經好討好，茶葉比一般茶樓高質，飲落去好甘香。總括而言，茶香點心正，環境高雅，一定會再黎。