旺記冰室 (九龍中心大廈)

營業中

休息中

避雨行左入黎，覺得環境幾舒服就坐低左。見佢menu都比一般茶餐廳多嘢揀，有好幾款特別嘅飯同麵餐，睇落幾靚。我揀咗小確幸洋蔥汁雜扒飯，轉黑椒鮮茄汁。雜扒有雞扒豬扒，同炒蛋，雞扒嫩滑，豬扒多汁，仲有沙律菜伴碟，沙律菜新鮮爽脆，配芝麻醬。黑椒鮮茄汁濃厚，有蕃茄蓉同大量黑椒粒，好惹味。野飲叫左鮮薑汁奶茶。侍應將杯奶茶捧過嚟果陣已經聞到好香嘅薑汁味，飲落喉嚨有啲辣辣地，真係鮮薑汁先有嘅，奶茶茶底夠濃，同薑汁有幾襯。