影片
更多
2020-11-20
862 瀏覽
我今日去咗將軍澳蒲，行吓行吓見到呢個商場。朋友話好想試吓蕃茄18，咁我哋就入咗去。生嘅蕃茄同熟嘅蕃茄我都鍾意食，但係朋友鍾意飲蕃茄湯唔鍾意食蕃茄。蕃茄濃湯（配牛乳炒蛋）雪花肥牛薯粉 $43 🍅🥩🍝 佢叫得蕃茄18，就梗係要嗌啲有蕃茄嘅食物啦！個湯好濃味，好杰，充滿曬蕃茄，差啲想飲晒個湯！啲肥牛散開晒，佈滿成碗湯，淡淡都有肉！滑蛋正常發揮，又香又滑；薯粉煙煙韌韌好好𡁻。跟餐追加瑞士雞翼（兩隻） $20 🐥佢哋呢到個瑞士雞翼好出名。得罪我老母都要講句，呢度啲瑞士雞翼好味過屋企嗰啲好多。成隻雞翼每一部份都上晒濃厚嘅瑞士雞翼嘅汁，食得好滋味！花膠雞湯米線 $69 🍲🐔 我哋今日終於一圓我哋嘅花膠夢！朋友話擺花膠好有膠質，好大塊有滿滿嘅骨膠原。個湯有淡淡的胡椒味，個雞湯煲出嚟好香好重雞味。啲雞都好滑，啲雞煲完湯都仲有雞味，唔會好鞋，我地仲好好彩有雞脾食。同埋啲娃娃菜好甜。菠蘿油 $13 🧈以前細個成日食菠蘿油，我以為係童年回憶。可能因為肥而家食少咗，不過其實唔食都肥。啲牛油半溶，連埋脆脆嘅菠蘿包，更上一層樓！蔥花炒蛋治 $26 🥪 有蔥花嘅蛋治我都係第一次試！啲蛋好厚，有蛋汁流出黎，好滑。蔥花香
蕃茄濃湯（配牛乳炒蛋）雪花肥牛薯粉 $43 🍅🥩🍝
佢叫得蕃茄18，就梗係要嗌啲有蕃茄嘅食物啦！個湯好濃味，好杰，充滿曬蕃茄，差啲想飲晒個湯！啲肥牛散開晒，佈滿成碗湯，淡淡都有肉！滑蛋正常發揮，又香又滑；薯粉煙煙韌韌好好𡁻。
跟餐追加瑞士雞翼（兩隻） $20 🐥
佢哋呢到個瑞士雞翼好出名。得罪我老母都要講句，呢度啲瑞士雞翼好味過屋企嗰啲好多。成隻雞翼每一部份都上晒濃厚嘅瑞士雞翼嘅汁，食得好滋味！
花膠雞湯米線 $69 🍲🐔
我哋今日終於一圓我哋嘅花膠夢！朋友話擺花膠好有膠質，好大塊有滿滿嘅骨膠原。個湯有淡淡的胡椒味，個雞湯煲出嚟好香好重雞味。啲雞都好滑，啲雞煲完湯都仲有雞味，唔會好鞋，我地仲好好彩有雞脾食。同埋啲娃娃菜好甜。
菠蘿油 $13 🧈
以前細個成日食菠蘿油，我以為係童年回憶。可能因為肥而家食少咗，不過其實唔食都肥。啲牛油半溶，連埋脆脆嘅菠蘿包，更上一層樓！
蔥花炒蛋治 $26 🥪
有蔥花嘅蛋治我都係第一次試！啲蛋好厚，有蛋汁流出黎，好滑。蔥花香口嘢味，但係又唔會蓋過曬啲蛋味。出面麵包好軟熟，推介！
新鮮菠蘿冰 原價$24 🍍
跟餐轉特色飲品半價($12)。啱啱先飲完nuttea，所以我哋淨係叫咗一杯分享，希望咁樣做會瘦啲。呢杯野都係偏甜，但係飲完仲有冰菠蘿食，一舉兩得！
環境 🌌
呢度嘅環境好有七八十年代嘅風格，餐廳入邊嘅「舖頭」都好懷舊。喺度食飯好有感覺，如果可以播埋歌就好啦！一直好想去下嗰個年代嘅夜總會，諗諗吓其實而家都可以去，話唔定釣到金龜。
張貼
