二合餐廳小廚 (已結業)

一入到去發現都幾爆，等左陣先迫到入角落頭一張二人枱。最驚奇係唔知點解連內地學生都會走到入黎食雞煲。其實成日行過都見到個poster，但真係未試過食。我第一次食雞煲就俾左二合。我同家姐兩個人叫左半隻雞煲，小辣，再加左碟西蘭花班球，配一碗白飯，再叫左枝青島。可能即叫即整既原因，叫完野食等左陣。侍應幫我地set好左個爐，之後就放低左碟小菜同白飯。個西蘭花真係好好食，班球都幾大舊幾好味，同埋香飯夠香同個口感岩我口味。之後到重點雞煲，煲入面主要都係雞同香料，另外仲有一小籃生菜俾我地自己碌黎食。雞煲有個爐熱住一定夠熱嫁喇，個湯底都幾濃，但小辣唔多辣，反而甜甜地，都還可以既。雞都幾滑，不過有d位比較難咬，同埋都多骨。我自己好怕倫骨，所以覺得食得有點吃力。Ps我發現青島個味係唔夾雞煲的，不過算啦都係叫黎解渴同降溫姐。由於我未食過第間雞煲，所以唔知依個算唔算好食。但我會再番去食個西蘭花。