影片
更多
2021-10-25
2989 瀏覽
一直都超鍾意茶聊既飲品，好飲之餘又可以打卡。今日午餐就黎呢度搞掂。一入收銀處範圍樓底好高，餐廳裝修以摩登灰黑色為主，座位都幾舒服，冷氣好勁！首先自己搵張枱坐低先，然後去收銀處落單比錢講低枱號，服務員之後就會送上食物。餐牌唔少選擇，有龍蝦蟹肉包，漢堡，賓尼迪，全日早餐，沙律，特色小食，意粉，意大利飯，同肉類。飲品有芝士奶蓋沙冰，芝士奶蓋茶，明治鮮奶，高山純茶，新鮮水果茶，同特飲。餐包是日餐湯及一杯茶4揀1，升級飲品有優惠。不設加一服務費。用餐時間限九十分鐘。冇黎一排，餐牌又有新野，一定要試吓先。薯仔忌廉湯（跟餐）是日餐湯係薯仔忌廉湯，用一套茶杯仔上枱，熱辣辣。薯仔忌廉湯夠濃滑，入面仲有少少煙肉片咬吓咁，唔錯。另配一細塊好香脆嘅吐司，已經搽咗牛油，甜甜哋，好味道。至尊漢堡 $158見到呢款新出既鳥籠漢堡，真係打卡必點！一上枱當然係相機先食！我係3款鳥籠漢堡當中揀左至尊漢堡。至尊漢堡即係安格斯牛肉，灸燒澳洲黑椒腩肉片同芝士。主角安格斯牛肉係100％自家手打安格斯純牛肉漢堡，超厚身，雖然全熟，但係唔鞋唔乾有肉汁。漢堡扒上面係熱融芝士，再上面就係脆口同帶香濃豬肉味既灸燒澳洲黑椒腩肉片。一個漢堡又
餐牌唔少選擇，有龍蝦蟹肉包，漢堡，賓尼迪，全日早餐，沙律，特色小食，意粉，意大利飯，同肉類。飲品有芝士奶蓋沙冰，芝士奶蓋茶，明治鮮奶，高山純茶，新鮮水果茶，同特飲。餐包是日餐湯及一杯茶4揀1，升級飲品有優惠。不設加一服務費。用餐時間限九十分鐘。冇黎一排，餐牌又有新野，一定要試吓先。
薯仔忌廉湯（跟餐）
是日餐湯係薯仔忌廉湯，用一套茶杯仔上枱，熱辣辣。薯仔忌廉湯夠濃滑，入面仲有少少煙肉片咬吓咁，唔錯。另配一細塊好香脆嘅吐司，已經搽咗牛油，甜甜哋，好味道。
至尊漢堡
$158
57 瀏覽
0 讚好
0 留言
至尊漢堡 $158
至尊漢堡
$158
42 瀏覽
1 讚好
0 留言
見到呢款新出既鳥籠漢堡，真係打卡必點！一上枱當然係相機先食！我係3款鳥籠漢堡當中揀左至尊漢堡。至尊漢堡即係安格斯牛肉，灸燒澳洲黑椒腩肉片同芝士。
至尊漢堡
$158
31 瀏覽
0 讚好
0 留言
主角安格斯牛肉係100％自家手打安格斯純牛肉漢堡，超厚身，雖然全熟，但係唔鞋唔乾有肉汁。漢堡扒上面係熱融芝士，再上面就係脆口同帶香濃豬肉味既灸燒澳洲黑椒腩肉片。一個漢堡又豬又牛，真係正！肉下面仲有牛油果醬，兩片番茄片，生菜同沙律醬。上層麵包都幾香脆，成個漢堡超大個，而肉汁同醬汁都非常豐富，建議兩個人分享！
至尊漢堡
$158
29 瀏覽
0 讚好
0 留言
配菜有凱薩沙律薯條。沙律望落好似好細兜，不過其實個兜都幾深，羅馬菜超脆口，仲有半粒車厘茄，加左適量沙律醬，最後撒上香脆煙肉碎同少見既早餐穀物，仲有芝士粉。
薯條叫左走鹽都做到，另上一兜仔茄汁俾你點薯條食。薯條粗身，炸得香脆。
牛車水海鮮喇沙闊條麵
$88
59 瀏覽
0 讚好
0 留言
牛車水海鮮喇沙闊條麵 $88
牛車水海鮮喇沙闊條麵
$88
39 瀏覽
0 讚好
0 留言
如果無記錯，呢款菜式都係新野。闊條麵超有咬口，質感好好，擺耐左先食都唔會稔得滯。喇沙汁好香，味道調得好，闊條麵配喇沙好新鮮。配料有鮮甜爽脆去殼鮮蝦兩隻，爽脆墨魚仔3件，三隻連殼青口，蔗蝦1隻，同帶子1片。蔬菜有唔少蔬菜粒同面頭既青瓜絲。以呢個價錢黎講，有咁多海鮮都算係咁，味道都幾好。
當然仲有呢餐既主角 - 就係野飲啦！
牛乳雪山龍眼冰
$20
31 瀏覽
0 讚好
0 留言
牛乳雪山龍眼冰（跟餐加$20）
牛乳雪山龍眼冰
$20
30 瀏覽
0 讚好
0 留言
呢杯牛乳雪山龍眼冰係新野，當然要試吓！牛乳雪山龍眼冰上面有大大pat忌廉加脆脆朱古力碎，忌廉超滑，好似食緊雪糕。飲品主體主要係牛乳冰沙，味道算清淡，仲有好多龍眼肉碎，估唔到牛乳配龍眼又得，係好特別嘅一杯飲品。
髒髒黑糖珍珠鮮奶
$16
36 瀏覽
0 讚好
0 留言
髒髒黑糖珍珠鮮奶 （跟餐加$16）
髒髒黑糖珍珠鮮奶
$16
25 瀏覽
0 讚好
0 留言
成日都飲髒髒紫薯鮮奶沙冰 ，今日要飲髒髒黑糖珍珠鮮奶。同髒髒紫薯鮮奶沙冰 一樣，賣相打卡當然係一流。首先杯明治鮮奶既黑糖味道適中，絕對唔會過甜。我最鍾意下底大量既珍珠，好煙韌好有咬口！朱古力粉超多，飲完嘴唇一定有啡色！最驚喜係居然有少量芝士奶蓋係杯身附近，用匙羹刮落黎一齊飲，飲落更加有少少鹹香。飲完真係大大大滿足！
每張枱都放左一支消毒洗手液同幾張獨立包裝濕紙巾，方便衛生。飲飽食醉每人都只係$141，好抵！最欣賞呢度成日轉下餐牌，成日黎都可以有新鮮感。
張貼
