天仁茗茶 (已結業)

誠品人流不斷。而每個人入誠品既原因都未必一樣。有人係真係入去打書釘。有人係因為搭完特長扶手才梯路過既。有人入去目及氣質美女既。有人去買台灣出產既野(其實說非書品類的空間佔有率目測有一半以上。)而對我黎講就經常入黎買野飲既。咁岩上圖既人同我既目標係極為一致。天仁呢條人龍由中午LUNCH後就出現到夜晚。當時時間已經係十點。每次飲天仁都鎖定無糖茶王913。就算飲凍既一入口就已經好香。口感清爽之餘有質感唔會好似水咁。一口茶剛過喉嚨。口腔就會湧出滿口甘甜。而熱飲既入口初段香味較內儉。但後勁更有爆發力。飲上一口。回甘可以持續數分鐘。真係好CUM飲。