影片
更多
2014-03-31
4895 瀏覽
最近新興一款超人氣既甜品, 叫做雪糕吐司, 不但賣相吸引, 味道仲相當ichiban 呢! 人云亦云之下, 第一次跑去銅鑼灣黃金廣場既茶木試食, 由於我地食左晚飯先過去, 再加上銅鑼灣廣場一期都有分店, 所以只等左3個字左右就有枱, 竟然一試傾心 , 念念不忘! 茶木除左甜品做得出色外, 聽講其他食物都唔錯架, 上次得點個甜品而無寫食評, 今次補番, 一於再戰茶木 , 去旺角瓊華中心食先…茶木~一間台式既小型餐廳, 餐廳以綠色為主調佈置, 雅緻舒適, 認真貫徹其名呢! 人氣爆燈book位難, 座位唔多, 有心食客一定要早d去等, 提一提大家, 1) 呢度無電話booking, 2) 人齊先會俾位, 一個都不能少 , 除非四位以上! 我地6點上去等, 等左半個鐘, 終於有位lu…4個女仔點左一個set dinner、一個意粉及兩個雪糕吐司, 開心share食 …1) Set dinner有一個餸配一碗白飯、一個餐湯∕沙律及一杯飲品 : 我地揀左三杯雞做餸, 帶輕微既辣, 雞肉燜得入味嫩滑, 白飯頗大碗, 4個女仔分剛剛好, 男仔就一碗ko了。 另揀左沙律, 生菜新鮮爽口, 加
茶木~一間台式既小型餐廳, 餐廳以綠色為主調佈置, 雅緻舒適, 認真貫徹其名呢! 人氣爆燈book位難, 座位唔多, 有心食客一定要早d去等, 提一提大家, 1) 呢度無電話booking, 2) 人齊先會俾位, 一個都不能少 , 除非四位以上! 我地6點上去等, 等左半個鐘, 終於有位lu…
4個女仔點左一個set dinner、一個意粉及兩個雪糕吐司, 開心share食 …
1) Set dinner有一個餸配一碗白飯、一個餐湯∕沙律及一杯飲品 : 我地揀左三杯雞做餸, 帶輕微既辣, 雞肉燜得入味嫩滑, 白飯頗大碗, 4個女仔分剛剛好, 男仔就一碗ko了。 另揀左沙律, 生菜新鮮爽口, 加上咸香既煙肉片及脆脆麵包粒同食, 口感即時提昇不少! 飲品就揀左薑茶, 每人分d來飲, 好味又暖胃呢!
2) 芝士煙肉磨菇意粉 : 芝士白汁好幼滑豐膩, 加上配料洋蔥、椒絲等格外香濃味美, 再混和磨菇及咸香既煙肉, 竟然令人喜出望外!
豋、豋、豋、豋, 輪到主角上場…
3) 士多啤梨雪糕吐司 : 總共由三塊相當鬆化既厚吐司組合而成, 最頂層鋪上雪糕、綿花糖、忌廉、生果等。 食法: 首先把最頂層果塊雪糕吐司移開, 便會見到頭兩塊吐司像個盒子, 裡面放左一粒粒已烤至金黃色既脆脆吐司磚塊, 用义將吐司磚塊沾上雪糕及忌廉而食, 士多啤梨雪糕既酸酸甜甜, 特別香甜誘人! 最重要係成個吐司磚塊食左, 都唔覺甜漏呢!
4) 芒果雪糕吐司 : 好多芒果肉呀! 夠香甜好食但比起士多啤梨雪糕吐司, 呢款口感比較味淡, 個個朋友都係一致首選士多啤梨呢!
因為太爆場, 侍應生頻收碟兼催埋單, 想坐耐d都唔得 啊!今餐好滿足, 幸福感又返來了 …
張貼
