不要對我尖叫，日常茶間， (戲曲中心) (已結業)

每一次去一間新嘅餐廳，我都好鍾意睇佢地背後嘅品牌故事，今次睇完「不要對我尖叫，日常茶間」更加令我想飲多幾杯~！「不要對我尖叫」原來係有段故......話說創辦人 Jeff主修建築，大學畢業之後，家人期望佢可以繼續深造，但係Jeff一直都懷念細個去飲料店時候，個份濃厚嘅人情味，好想開一間同樣嘅舖頭，家人當然極力反對，甚至係不斷對佢尖叫🤯，於是就用左「不要對我尖叫，日常茶間」呢個名啦！原來移家除左中環，連戲曲中心都有分店，有我最愛嘅菊普，仲有獨別調制嘅「汪阿姐香茅檸檬薑蜜特飲」😂啱曬戲曲中心呢個theme😂雨林紅現泡茶 ($18)雖然個個都鍾意飲珍珠奶茶，不過我更加欣賞台灣嘅泡茶，因為炒茶葉本身已經係一種學問，炒嘅功夫都會影響茶嘅味道，雖然我分唔出佢嘅手工做得好唔好，但係呢杯茶的確令我好回味~雨林紅係一種取自原始雨林古樹茶嘅品種，口感層次豐富，清新得黎帶點水果嘅酸甜，係一種我未接觸過嘅味道，鍾意品茶嘅真係試一試！