茶屋町 (長沙灣道) (已結業)

今日同fd去左茶屋町食野，我嗌左個鯖魚，我fd就嗌秋刀魚 。我地入去就坐bar台，坐左無耐就黎左個麵豉湯啦，入面有白蘿蔔、豆腐粒同豆腐卜，個白蘿蔔入口即溶，幾入味，個味偏港式重口，不過幾好味，岩我呢d重口味人士。而個豆卜就幫個湯增加左個爽口咁，有得飲仲有得咬下，唔錯。而坐bar台 d服務員都幾nice，見到我地攬住個袋會自動同我地講 bar台下面有勾可以勾個袋 ，唔洗攬住食野咁麻煩。最後終於來左個主角，鯖魚飯，條魚係意外地大條，唔係出面既得一小段，而係半整條鯖魚，而條魚亦好入味，去哂骨 ，飯亦唔硬唔太軟，岩岩好。最抵讚既係附送既甜品，抹茶草餅，唔鐘意食苦味太重既朋友一定鐘意，有淡淡既茶味同甜味，仲要夠哂軟淋淋，一啖過真係好滿足。另外，我仲叫左個哈蜜瓜味汽水，我fd就嗌提子味既，d野飲全部都係日本進口。個人認為提子味正d，似日本提子軟糖再加波子汽水味。而哈蜜瓜味都ok ge，估到既個d味lo。最後，我都幾推介呢間野，環境好大，乾淨同埋最重點既係d野食份量好重本，味道又唔錯。講真咁大條鯖魚同秋刀魚，都係60零70蚊，好抵食。我表示得閒會再去食！！！