📍俾熊妹發板，熊妹就揀左呢間人氣旺盛🔝的西餐廳《R&B》。
📍聽聞晚餐時段好爆，熊妹當然做足功夫訂左枱📞先喇，包有枱唔洗等。
📍野口同學早放工率先到達，到熊妹準時浦頭，最後奧莉師奶氹完艾女👧🏻食野就齊腳！
2
📍訂左🕢7半枱，又真係幾爆下🈵。📍柔和燈光💡幾有氣氛，朋友聚會傾計食飯幾唔錯！
2
📍餐牌📋英文版本有好多張，中文牌本一張清單列哂🔖，一目了然👀。📍熊妹做過下功課📝，知道有好幾款招牌菜必試。
海苔蜜糖雞翼，Dirty wings，$98📍奧莉師奶同野口同學好鐘意食雞翼，叫呢款招牌菜實無死。
雞翼🐥係單骨雞翼，沾上蜜糖炸起再撒上海苔碎。一共有8-9隻，其實即大概係4隻平時正常的雞翼。海苔碎味道唔係好重，又唔咸，熊妹認為可能用紫菜碎效果更好味。🗯又唔係好覺有蜜糖味🍯，可能調味份量唔算多。💢英文dirty其實係似海苔會食到成口碎，污糟糟咁。味道其實好一般，應該係個名得意就成左招牌。
雙層安格斯牛肉芝士漢堡，$198好大一個漢堡包🍔，廚師👨🍳窩心的切成四份，方便食客分享食用。
薯角🍠份量都唔少，炸到好脆口，本身都有調味，三人分享剛剛好。
麵包唔薄，有搽上牛油，煎香，然後一片生蕃茄🍅，一層安格斯🐮，一片芝士🧀，再一層安格斯，最後有一塊類似墨西哥脆片同埋一塊生菜☘️。安格斯牛肉層唔算好厚吋，應該有十成熟，無血水，肉質唔算好韌，都幾有牛味。
📍價錢都算貴，不過好少有雙層牛漢堡，可以一試既。
煙肉忌廉蛋汁意粉，Carbonara pie，$188📍又係俾個英文gimmick名吸引左，見佢話pie，以為個意粉有脆口pie底咁型。
📍原來就只係普通不過的卡邦尼意粉🍝，只係以一個煎pan呈上，形成”pie”的名字，意粉的姓氏。
應有的配料都有，煙肉片🥓，蘑菇片🍄，忌廉汁🍼，彈牙意粉，就係典型卡邦尼意粉做法。不過熊妹同奧莉師奶都不約而同認為味道啖左啲，係有忌廉味，但唔重芝士味，就差點咸味。
清酒木魚清湯炒蜆意粉，$178📍野口同學很喜歡炒蜆意粉，雖然已點了個卡邦尼意粉，但都嚷住想試呢個。
又係用煎pan上碟🥘，份量好大，好多蜆殼，但味道係幾失望既。
首先木魚原來係木魚調味粉，唔係日式一片片鋪面的薄薄木魚片。
炒蜆完全無油炒的香味，似係水煮，而蜆肉奧莉師奶一咬，即係嘩左一下，食落係爽爽聲💬，完全未清洗乾淨的沙石，點入口呀？
清酒🍶味係甜甜地的，酒味唔係好出，個湯係幾清既。但味道同食材真係麻麻，好少食淨食物的熊妹最後食左三分一放棄左。📍《Research & Bakery》，就係研發一些新口味菜式，繼而烹調煮焗🥣。但現有所謂的招牌菜味道都未能稱得上好突出，而且樣樣都好似差少少咁，看來又是一間名牌效應🃏價錢略貴💰的西餐廳。
