The Chippy (恆隆銀行大廈) (已結業)

炸鱈魚薯條 12oz（$188）12oz 份量唔講得笑，真係好大塊，絕對夠兩個人 share 食。炸漿唔過厚啱啱好，剛炸起脆卜卜，就算放咗一陣都唔會淋哂。魚肉講到明用鱈魚，唔會比埋啲 cheap cheap cat fish 你食。鱈魚肉厚，食落仲有丁丁肉汁，可惜魚味唔算太濃，但完全冇魚腥味，又冇雪味，尚算不錯。薯條份量同樣誇張，超多墊哂係底，而且條條粗身，口感唔係脆口那類（但絕對唔係淋的），食落好厚實，勁飽肚。* 有他他醬、茄汁、醋、鹽提供牛肉批（$58）批皮唔算鬆化，裡面牛肉味超濃郁，好有燉肉feel，但略嫌肉&汁都比較少。雖然係 food square 入面，但會有員工幫你落單，你亦可以同時食其他食店嘅食物/飲品，而且食物係有員工送上的。食完就拎單出銀處俾錢就得了。沒有加一服務費，而且仲收信用卡。