泰巧船粉 (已結業)

好耐冇去探媽媽了，原來媽媽樓下開了一間食泰國菜，我地當然要去食下。餐廳開左1個月左右，由泰國人主理，餐牌有冬蔭海鮮湯粉、豬頸肉沙律、至愛既豬肉生菜包、家鄉牛肉沙律、青咖哩雞扒飯、黃咖哩牛腩飯、馬沙文豬軟骨飯、香辣肉碎飯、自家泰巧咖哩等等，價錢由$30-$40，價錢合理。我地外賣左泰巧船湯牛拼盤，黃咖哩牛腩飯泰巧船湯金邊粉入面材料豐富有肥牛、牛腩、牛肋條、牛丸，炸豬皮，炸蒜同炸豬皮都係自家製，金邊粉要盡快食，如果唔係就會淋晒，份量我食完一碗都好飽，我最鐘意佢個湯，個湯牛味好濃，飲得出味道用真材真料煲出黎，而唔係味精湯，最緊要飲完唔口渴黃咖哩牛腩飯飯同餸分開，唔會拎到返屋企D飯淋晒唔好食，飯既份量都好多，黃咖喱甜甜地，牛腩一D都唔韌，好軟腍