蜜滋麻美

營業中

休息中

今日同朋友仔行中環，佢話一定要帶我試下呢間好特別既珍奶。原來就係過江龍蜜滋麻美，位於中環鴨巴甸街16A號地下。蜜滋麻美來自台中，能夠成為人氣茶飲店，突圍而出，全因每日即製黑糖珍珠、鮮磨花生同芝麻碎，鋪滿飲品面，飲落好有驚喜，夠哂特別。「花芝黑糖珍珠豆漿」台灣直送花生芝麻，新鮮每日製造香濃撲鼻，花生味同芝麻味都好香濃，鋪滿飲品面，好似座小山丘，視覺效果一流，口感層次相當豐富。芝麻黑糖珍珠鮮奶香濃芝麻碎份量十足，飲落同黑糖珍珠味道好夾，珍珠彈牙香甜，甜度剛好，鮮奶幼滑濃郁，口感順滑。招牌貼紙好似揮春咁，夠哂搶眼，打卡一流。除左花生芝麻，仲有抹茶同可可，下次試埋先~