火鍋店有二樓，我地上左樓上大枱坐，地方幾寬敞舒適，坐低侍應姐姐就攞左醬油配料俾我地。
花膠鯊魚骨膠原湯鍋
呢個鍋真係好正，湯已經煮到奶白色，可以即刻飲湯先，花膠有好多件而且大大塊，仲有鯊魚骨、豬手、雞腳，豬手都好好味，成煲湯都係真材實料，勁好飲；加埋泡飯入去，食落脆卜卜幾得意。
雪花美國肥牛
雪花紋分明，油脂比較平均，牛肉味濃。
脆響玲卷
食打邊爐必點響玲，淥一淥即刻食得，香脆得黎冇油益味，好食！
手打墨魚丸，咬落好彈牙。
叫左元貝同鮑魚，兩樣都好鮮甜。
自家製竹庶茅根幾好飲，壺入面真係有竹庶、紅蘿蔔、馬蹄。
食過咁多間打邊爐，呢間真係幾高質，值得推介！
