樂湯雞麵館 (登龍街) (已結業)

按著手機的外賣平台App，呢間有堂食七五折，之前其實幫襯過一次，本來已不欲回頭。但快到晚上十點的銅鑼灣，原來好多食店都已打烊，於是我同頭先散場嘅電影女主角一樣，俾多次機會佢。店員推介我食招牌花膠魚翅雞麵。九十二蚊，係平價餐廳食扮上菜嘅貴價野，咪俾次機會，試下佢虛實囉。那片厚而無味的花膠，就像剛散場啦電影般平淡。不難食，但非鮮甜驚豔。翅嘅質地同味道，又硬又腥，就好似《神探大戰》勇奪金像獎導演同編劇一樣令我一頭霧水。至於雞，咪雞囉。有啲肥，有啲油，有啲癡牙有啲韌。刀削麵係碗野入面最好味嘅。總結，難食又未至於，同套戲一樣令中容易遺忘。唯一令我記得係佢個價錢，打折後，七十八蚊連豆漿。夠我係譚仔食碗米線，再加碟皮蛋，但滿足感卻比呢度高幾倍囉。