Lúa (已結業)

搶眼既紅色牆再加上二樓既open area掛住一排靚靚燈籠🏮行過一定會比依間餐廳吸引眼球👁️👁️位置正正係Sogo旁東角對開人氣旺盛，不到6點半就開始滿座，好彩早左d黎🤙🏻🏮中意打卡既人唔好錯過二樓哩個位🏮室內裝修都幾有格調，估唔到食越南菜都有live band，今晚所聽到既歌都係慢歌抒情，成餐飯都食chill d😆🦑Lua招牌小墨魚春香港少d餐廳有墨魚蛋食，所以見到有就即刻叫左，6隻都有滿滿既蛋，墨魚口感Q彈，新鮮鮮味完全唔洗加d咩醬汁。🍛越式香茅豬肉飯伴特色蛋餅豬肉燒到焦香比較乾身，唔同平時食既香茅豬扒，食落好似豬肉乾既香氣，點埋個酸辣汁好惹味😋蛋餅好得意，咬落鬆軟得黎有d口感，原來係加左d類似米粉既野落去。🍝酸辣香茅炒虎蝦扎肉檬粉（少辣）哩個炒得好香，酸酸辣辣既味道加埋檬粉既口感帶點爽彈，令人想大啖大啖咁食😋🥖班蘭布甸法包配自家製椰子雪糕哩個甜品太邪惡! 幾乎成個心都係班蘭醬😆法包脆卜卜，配埋冰凍椰子雪糕一流。不過哩個係即叫即焗，好似要20分鐘所以預早d落order呀。