校長燒肉日韓料理 (西裕街)

營業中

休息中

今日去咗食校長燒肉，呢個係我以前讀中學嘅回憶，校長燒肉勝在食物多花款，仲有魚生、壽司、同埋唔同嘅熟食，五花八門嘅嘢食。首先入到去見到有雪糕，雪糕嘅味道好齊全，想食邊一隻都得。壽司全部睇起上嚟都幾靚，而且俾人夾晒之後佢會好快就refill，估唔到仲有一啲中式餸菜，例如炆豆腐、酸菜魚、日本甜番薯、仲有章魚小丸子。仲有一架點心車，上面有各式各樣嘅點心，中日式都照顧周到。肉類方面，除咗有豬扒牛扒雞扒呢啲大路嘢之外，仲會有蜜汁叉燒，鯖魚、雞翼，同埋各種嘅遠慮。如果想食埋打邊爐都可以，只要擺一個湯煲喺隔離，就可以一邊燒肉一邊打邊爐，一次滿足晒兩個願望。