美味小鮮肉 (已結業)

呢排天氣好熱，又落雨，個肚又餓，想拿拿聲食個晚飯。咁岩我行過美味小鮮肉，見佢個名幾得意，岩哂我呢啲中意食小鮮肉的女子，呵呵。各式潮式粉麵同飯餐都有。仲有我覺得比較吸引的係６８蚊火鍋，有好多野食咁。但我今晚都係想快食一個晚飯算。。。食客用水筆畫喺過左膠的餐牌上面。我去食飯的時間仲早，都無乜人，環境都算乾淨企理。天氣實在太熱，好想飲凍野！咸檸七真係無得輸。七喜夠凍，咸檸檬獨特的香味同七喜好夾，超清新！嗌粉麵+7蚊就有呢杯特飲啦！我嗌左自家製潮州豬肉餅＋南乳豬手米粉，咁樣雙拼就43元。個豬肉餅好彈牙，有少少似扎肉。份量也不太少南乳豬手抆得好唸好入味，有陣陣南乳味，連埋啲軟骨食哂，好多骨膠原呀！個湯就夠哂清，唔會好似市面上的粉麵店咁好多味精。食完都唔會口乾。總括而言，美味小鮮肉呢間小店都唔錯，食客要搵佢就要留意下花園街排檔後面的餐廳呀。或者時間鬆動啲，下次可以試下啲打邊爐，都好似幾抵咁！