影片
更多
2015-02-23
790 瀏覽
食咗一餐好難食的九龍城泰人泰菜, 貓兄建議去食芭菲...上開餐網搵唔到佢形容的甜品店, 徬徨之際, 貓兄話佢識行去, 因為剛才太早到, 週圍逛時見到覺得好吸引...一行三人, 遊遊蕩蕩, 遊到去店外, 間舖真係好靚喎...毫不躊躇, 入去!!! (已將剛才中伏的事拋諸腦後)甜品非常精美... 選擇障礙症會跑出來是常識吧... 剛才貓兄形容是日式芭菲, 所以在開餐網找不到, 原來是乳酪店才真!!! 但又真係好似芭菲咁一層一層加材料喎... 咳... 咁應該說成芭菲X乳酪店才最貼切!!! 牆上有層層疊解構圖... 非常詳細的呢... 大家都選了Preset 款式, 懶得自己慢慢揀Toppings... 實物比圖片更具吸引力, 好興奮呀!!! 喂, 仲影, 溶啦... (左起 : Vanilla Sky $51, Banana Split $51, Mild Summer $68)Mild Summer $68-- 由上至上 : 蜜餞蘋果脆片, 熱情果菠蘿脆脆棒, 荔枝, 紅桑莓汁, 荔枝肉, 芒果碎冰, 芒果, 自家制脆粒, 原味乳酪... 蜜餞蘋果脆片堅好味, 好特別, 好香蘋果味,
食咗一餐好難食的九龍城泰人泰菜, 貓兄建議去食芭菲...上開餐網搵唔到佢形容的甜品店, 徬徨之際, 貓兄話佢識行去, 因為剛才太早到, 週圍逛時見到覺得好吸引...
一行三人, 遊遊蕩蕩, 遊到去店外, 間舖真係好靚喎...
毫不躊躇, 入去!!! (已將剛才中伏的事拋諸腦後)
甜品非常精美... 選擇障礙症會跑出來是常識吧...
剛才貓兄形容是日式芭菲, 所以在開餐網找不到, 原來是乳酪店才真!!! 但又真係好似芭菲咁一層一層加材料喎... 咳... 咁應該說成芭菲X乳酪店才最貼切!!! 牆上有層層疊解構圖... 非常詳細的呢...
大家都選了Preset 款式, 懶得自己慢慢揀Toppings... 實物比圖片更具吸引力, 好興奮呀!!! 喂, 仲影, 溶啦...
(左起 : Vanilla Sky $51, Banana Split $51, Mild Summer $68)
Mild Summer $68
-- 由上至上 : 蜜餞蘋果脆片, 熱情果菠蘿脆脆棒, 荔枝, 紅桑莓汁, 荔枝肉, 芒果碎冰, 芒果, 自家制脆粒, 原味乳酪...
蜜餞蘋果脆片堅好味, 好特別, 好香蘋果味, 甜甜地, 脆脆地... 熱情果菠蘿脆脆棒外表好特別, 但在滿口勁香勁甜荔枝味的影響下, 食唔出有什麼味道... 原味乳酪微微的酸澀味(屬正常), 芒果碎冰好有驚喜, 荔枝肉同芒果肉都甜到漏, 自家制脆粒有咬口... 材料講究, 更以芭菲層層疊疊的方式堆砌, 多重Layers多重味道及口感=多重享受!!! 讚讚讚!!!
Banana Split $51-- 由上至上 : 蝴蝶酥, 鮮果, 朱古力汁, 原味乳酪, 熱情果香蕉醬, 自家制脆粒, 乳酪鮮果沙律...
Vanilla Sky $51-- 由上至上 : 杏仁脆片, 雲呢拿汁, 原味乳酪, 芒果, 自家制脆粒, 藍莓...
店子又深又窄... 原因是... 有超過半數的空間劃為高級雅座, 需要付加一服務費... 我地當然坐... 出面啦~~~
唔想加一?!! 店內約有10個面壁座位, High Chair, 當然是不好坐的, 望客人快快吃完快快離開... 但此單人面壁座位自成一角, 唔知點解我好有衝動想Try Try, 難度受到孤獨DNA影響嗎?!! 哈哈...
芭菲乳酪好好味呀!!! 好滿足呀!!! 唔知幾時先有機會再食呢?!!
嘿嘿, 我地呢班老友真係好抵死, 龍媽話要減肥唔出來, 我地3個輪流咁Wahstapp自己個芭菲乳酪的迷人照片比龍媽引佢, 仲要你一言我一語咁形容芭菲乳酪有幾幾幾好味, 搞到佢即刻話下次要揸車來食吖...
張貼
