影片
更多
2021-09-08
51 瀏覽
等等HEA (九龍城)成日聽九龍城多好嘢食，依家屯馬線開通之後，可以喺宋皇臺落行過去十分鐘左右。今次發現咗間唔錯嘅台灣特色小店，見到menu有芫茜放題食，身為芫茜控嘅我，當然唔可以放過啦！入到去見到裝修得唔錯，幾有情調，好啱啲小情侶去㗎！一入到當然睇下有咩好食，款式都幾多，超過40款道地嘅食品👍不過我當然唔可以錯過芫茜嘅嘢食啦！見到都有7款芫茜，樣樣都好想試，最後揀咗芫茜雞扒，芫茜鮮奶。個雞扒睇落平平無奇，只有幾條芫茜伴碟，點知內有乾坤，啲芫茜藏咗喺件雞扒入面，好特別！而個芫茜鮮奶真心推介，好好飲😋本身都叫咗芫茜芋圓，但奈何太好賣，一早就賣晒😣朋友話想食烤魚就叫咗個古早味烤魚，個酸菜湯底認真唔錯，啲魚亦都好滑👍鴨血亦都唔錯，朋友食到都話要Encore啊！🤣見到個放題紙有個迪化街老阿伯胖魷焿，其實都唔知咩嚟，就膽粗粗叫咗，諗住試下台灣其他食物，估唔到粒丸有驚喜😂店員服務態度好好，仲話嚟緊九月中會有大閘蟹食添，鍾意食大閘蟹嘅情侶到時就唔好放過啦🦀
成日聽九龍城多好嘢食，依家屯馬線開通之後，可以喺宋皇臺落行過去十分鐘左右。
今次發現咗間唔錯嘅台灣特色小店，見到menu有芫茜放題食，身為芫茜控嘅我，當然唔可以放過啦！入到去見到裝修得唔錯，幾有情調，好啱啲小情侶去㗎！
一入到當然睇下有咩好食，款式都幾多，超過40款道地嘅食品👍不過我當然唔可以錯過芫茜嘅嘢食啦！見到都有7款芫茜，樣樣都好想試，最後揀咗芫茜雞扒，芫茜鮮奶。個雞扒睇落平平無奇，只有幾條芫茜伴碟，點知內有乾坤，啲芫茜藏咗喺件雞扒入面，好特別！而個芫茜鮮奶真心推介，好好飲😋本身都叫咗芫茜芋圓，但奈何太好賣，一早就賣晒😣
朋友話想食烤魚就叫咗個古早味烤魚，個酸菜湯底認真唔錯，啲魚亦都好滑👍鴨血亦都唔錯，朋友食到都話要Encore啊！🤣
見到個放題紙有個迪化街老阿伯胖魷焿，其實都唔知咩嚟，就膽粗粗叫咗，諗住試下台灣其他食物，估唔到粒丸有驚喜😂
店員服務態度好好，仲話嚟緊九月中會有大閘蟹食添，鍾意食大閘蟹嘅情侶到時就唔好放過啦🦀
張貼
