豆腐巴克 (已結業)

第一次寫食評，真係太難食，忍唔住上黎反映下！外賣左幾碗芝麻糊豆腐花，芝麻糊淡如水，唔甜又無芝麻味，成碗野似係一兜黑色既水浸住d豆腐花咁（諗諗下都幾嘔心）講完芝麻糊，再講豆腐花。。齋聽個名，“豆腐巴克”，諗住間野應該以豆腐為主打，唔衰得去邊.....施主，你實在太天真了！豆腐無豆味，又鞋，食食下仲有渣，我地4個人買左4碗，每人食左少少已經食唔落去，下次絕對唔會再幫襯。如果硬要我讚，唯一係碗熱豆腐花夠熱，完！