叁薯 (已結業)

叁薯喺尖沙咀開咗新分店，之前喺網上面見到旺角分店嘅報道嘅時候已經好想食，但係一直苦無機會，又唔想係街邊拎住食，尖沙咀嘅新分店同旺角唔同，裡面係有座位坐嘅，而且喺厚福街個條小巷嗰度，地點都算方便。呢一間有套餐選擇，包括一個焗薯，一個小息同埋一杯野飲，都係大概40幾蚊左右，分量足夠作為一個午餐。重量級芝士焗薯＄46面頭嘅醬汁分別有龍龍嘅車打芝士醬同埋酸忌廉，將執好多，一定夠食晒成個焗薯，焗薯覺得啱啱好，唔會話太諗或者太硬，配埋醬汁，好Rich。牛油粟米杯好重牛油嘅味道。草莓梳打飲落真係咬到裏面有淡淡的草莓肉，甜得來又唔會話太過分。忌廉蘑菇薯蓉＄38薯蓉打得好滑，而且購買忌廉，每一啖都有忌廉蘑菇湯嘅味道，好易入口，好細既小朋友都食得。七彩爆谷雞細細粒嘅炸雞裏面炸得夠嫩，仲有汁流出來，外面係包左唔同顏色嘅粟米片，賣相好精緻。凍蜂蜜柚子兩個人食咗＄100，午餐黎講好夠食。