牛蓋

營業中

休息中

入內先門口探熱，要等位一陣，枱同枱之間既隔板都好高，防疫措施做足。每枱有消毒酒精、紙巾。坐低先自己去買野食，拎張單同號碼，部機一響就自己去取餐。餐單有曬圖唔錯~睇圖都好吸引大概等左15分鐘，熱辣辣有得食呢個湯烏冬味道剛好，唔會太咸，個漢堡扒入邊滿滿半流芝士，淨係食肉會偏咸少少。不過整體好好食！$88係抵。半流芝士熱食，正雞扒炸得皮薄脆肉嫩，有恰好油脂同肉汁，不過食兩舊就覺得夠，調味係 住家味道。撈烏冬伴有青瓜絲、溫泉蛋，幾清新。撈勻蛋汁食，好滑，不過個胡麻醬係偏淡，烏冬份量唔算多。整體，坐得舒服、野食衛生，自助模式都好方便，唔錯！撐黃店~加油