Candy Shake (已結業)

每次路經旺角登打士街, 定必被濃濃芝士撻吸引著, 今次決定要食返兩碟, 了解一下點解長期有咁多人幫襯!原來除左原味嘅芝士撻之外, 仲有榴連、綠茶，香芋、酥皮任均選擇。而一向喜歡特別選擇嘅我, 分別要左一件香芋同埋榴槤味嘅芝士撻。芝士撻嘅外皮係曲奇, 金黃而又夠香脆, 牛油味盛。而兩款芝士撻嘅餡料脹卜卜, 似要就黎傾潟出黎。咬一口就感受到到流心芝士的溫暖, 軟滑而又細膩。略帶微酸嘅乳酪芝士, 加上真材實料嘅餡料, 食得出榴槤絲在內, 非常滿足!食完兩件出色嘅芝士撻, 係時候飲杯馳名嘅奶昔。今次選擇左麥提莎奶昔, 用原粒麥提莎攪碎製成, 當然飲得出佢嘅朱古力碎以及佢signature嘅味道, 配合有質感而香濃嘅奶昔, 係下午茶時間一樣可以有好享受!