安安燒 (染布房街) (已結業)

慕名而來係想試下呢間的芝士撈丁. 說也奇怪, 明明呢間係串燒店, 竟然都會有芝士撈丁食, 不過今次係衝住芝士撈丁黎, 唔理得咁多了~ 叫咗個芝士撈丁同埋燒四季豆仲有燒雞翼. 等一陣已經有得食. 首先要讚一讚佢芝士份量, 佢係好充足 , 夠撈晒成個面有餘, 而且芝士面頭微微燒過, 令佢有陣焦香味, 好特別 . 面質軟硬適中, 保持到丁面的彈滑. 食落芝士味好濃郁, 相比起之前其它店食過的撈丁, 呢間應該係最濃味同埋最厚身, 食落真係好芝士, 哈哈. 其實食完個面有D飽, 雖然四季豆同埋雞翼都好好味, 但已經被丁面搶咗風頭, 哈哈, 食完成口都係芝士味, 好滿足!