怒茶巷 (已結業)

葵廣太多茶飲店五花八門。今次行街特別揀咗買依間，因為舖頭掛咗貼咗好多mirror, 支持本地男團，而且都有其他local元素，值得支持。有好多mirror 心心眼緊貼最近大叔的愛仲有食諧音嘅粟粟芝愛，不過自己唔係好鍾意粟米味就冇買。種類好多元化，有純茶、鮮奶茶、黑糖珍奶、芝士奶蓋、果茶。點咗比較大路同推介嘅芝士宇治抹茶 ($34)見佢面頭灑咗啲綠茶，賣相ok, 感覺唔馬虎。芝士奶蓋同宇治抹茶比例ok, 個奶蓋唔會太浠，不過如果再重d芝士味會再邪惡d. 宇治抹茶方面，抹茶味好濃，飲到有啲位飲到抹茶嘅粉粉嘅感覺。整體嚟講唔錯。