御來光茶社 (已結業)

以富士山為主題，用日本作為格調既café帶比人好清新好舒服既感覺。入到去職員相當熱心，飲品選擇好多，最後都係鍾情於芝士奶蓋既款式。✨Oreo 朱古力芝士奶蓋超級邪惡嘅飲品，但係帶來滿分嘅滿足感，奶蓋好濃，芝味出眾，朱古力飲落並不會過分甜膩。✨御之水果茶拎上手色彩繽紛，水果粒粒清晰可見，刻意叫咗微甜，更能帶出果味嘅香氣，飲落清爽透心涼。✨提拉米蘇造型肥肥胖胖的，外型絕對夠晒吸引，拮落去濕潤度充足，忌廉入口輕盈，咖啡味帶有餘韻✨檸檬批中間嘅餡料酸酸甜甜，口感唔會過分甜味，外層的撻皮略嫌有少少軟化