皇茶 (已結業)

由登打士街一路數到廣華街有無數茶飲店，除左呢間皇茶同新開嘅大卡司未試過，其他都試過，一般我都係選KOI。呢間皇茶其實開左一段時間，唔清楚同大陸嘅皇茶有冇乜關係，但都聽過有唔少人讚好。今次終於的起心肝行過黎試試，9點零鐘黎到，店面唔算大，但以茶飲店黎計，設有幾張高枱櫈，供客人堂飲，喺香港黎講都算難得。驟眼睇店面好似好多人，一共三張枱，只有一張有位置，但近門口位置對情侶塞住，我地都懶得開口，見到咁情形，我亦都冇多大興趣要喺店內坐，加上已經食左飯，亦唔會特別點小食，於是只係買左一杯飲品算。餐牌同喺大陸見到嘅皇茶相似，有芝士奶蓋系列、純茶、水果茶、沙冰等，飲品定價$15-33，可加錢配椰果/珍珠/蘆薈/紅豆/oreo皇芝士奶蓋金鳳茶王 $28強調用上anchor呢個品牌嘅牛奶加入芝士製成奶蓋層，冇開粉，係真奶蓋茶。奶蓋層係正常厚度，聞落就唔算話好香芝士味。口感屬於軟滑，唔會好快溶到冇哂，頭兩啖有芝士味，但因為唔算好稠身，茶底好快已經沖破芝士層。奶蓋嘅奶味強烈，少左一份芝士嘅鹹香。茶底方面揀左比較濃嘅金鳳茶王，茶味出眾帶澀。香港啲茶飲店，先唔好講層芝士做成點，連個茶底都唔夠濃。呢間第一次黎，都可