一茶詞 (已結業)

香港地要成功做到一間飲品店真係好難，又咩茶又咩咩糖，正常都唔會搵到呢D小店。今日咁岩黎到太子，一上地鐡站，隔離就有一間飲品店一茶詞。門口細細間，但飲品款式好特別，仲有小小既位置可以坐下。我就叫左呢個火焰焦糖珍珠鮮奶，首先面頭會有一片焦糖，跟住就有好香好滑既鮮奶，最後就有小小既珍珠。珍珠粒好特別，唔會好粉，又唔會太甜，一粒一粒慢慢咬，有彈性，好正！鮮奶本身淡加甜甜地既珍珠非常夾，在加面個小小焦糖，脆脆的，吸一啖就飲曬男朋友見我飲得咁開心，佢都頂唔順叫左杯奶蓋伯爵紅茶。奶蓋既芝士唔輸得過咩茶，香滑奶加濃郁既芝士在加上淡淡既伯爵紅茶，清清地好舒服。坐係到，一路食一路望下周圍既環境，裝飾好靚，好有心絲，令人放工可以係到放鬆下。睇睇下見到原來仲有小食，暖心芝士脆，味道係芝士，加上一Ｄ薯片做配搭，出奇地夾。今期特色就係呢個特濃紫薯鮮奶，主打係有一粒一粒紫薯，但可惜我約左人食飯，只好下次試了。