阿里郎熱狗棒 (已結業)

雖然天氣熱辣辣，但係各種嘅街頭小食總會吸引到我同班朋友一齊熱住都要食！今日同朋友就去咗旺角，見到阿里郎熱狗棒，我作為芝士迷就叫左雙重芝士拉絲熱狗棒，而朋友就叫咗車打芝士腸熱狗棒同埋薯條熱狗棒。熱狗棒係即叫即整嘅，整完之後熱辣辣，你仲可以配以唔同嘅醬料，例如有茄汁、芥末、或者芝士醬等等，想食乜嘢味道都可以自己調整！🔸 雙重芝士拉絲熱狗棒🔸首先入面係冇熱狗腸嘅，取而代之係有車打芝士同埋mozzarella cheese! 芝士味好濃郁，輕易已經做到拉絲嘅效果！外面亦都炸到脆卜卜，外脆內軟！食完一支已經夠飽！🔸 車打芝士腸熱狗棒🔸入面有熱狗腸，就算炸完之後車打芝士嘅味道都幾濃郁！🔸 薯條熱狗棒🔸出面外皮嘅薯條都炸到好脆，夠晒香口！三款裏面我最鍾意係食雙重芝士熱狗棒，芝味濃郁，喜歡芝士嘅人，應該都會幾鍾意！