HeSheEat (白布街) (已結業)

旺角分店主菜買一送一，咁岩又想係一個環境唔錯嘅地方食下飯傾下計，所以就被優惠吸引了。旺角分店有兩層，平日下午黎唔多人，都幾岩慢慢坐。 第二次食Hesheeat， 之前係CWB分店食過，都唔錯。指定主菜買一送一，但每個人都要買光顧一款食品/飲品先得。平時鐘意飲凍飲嘅我，都係決定要飲返杯熱飲暖下。見到隔離枱嘅凍綠茶拿鐵睇落唔錯，都幾深綠，應該幾濃味，所以我就點咗杯熱綠茶拿鐵。熱飲另一個優點就係打卡好靚，有靚靚拉花係面。飲落果然抹茶味好重，甚至太濃，不竟我呢d小學生口味鐘意奶味多少少。主菜就點咗黑松露雜菌燒雞意大利飯，好creamy，不過松露味唔太重。燒雞有少少嚡，可應因為係薄切，部位亦都係雞胸呢d較嚡。驚喜之處，係意大利飯少少拉絲芝士效果！ 朋友建議叫多小食，所以叫咗一人一客燒元貝。$25一件其實都幾貴，不過都算大隻，叫對得住價錢。元貝下面仲有煙肉碎，增加口感。面頭就滿滿芝士醬，多到有少少膩同咸。主菜加飲品加小食人圴$120 ，少貴。