新泰東南亞餐廳 (已結業)

今晚又黎新泰開餐，真係發覺自己都幾鐘意食泰國野，hehe~~今晚同小b子去，我地叫左個菠蘿炒飯~見menu上寫住得獎出名菜式，當然要試試！炒飯炒到粒粒金黃色~晶瑩剔透！好吸睛~用料亦都分出色，有蝦，肉鬆，泰式立腸，提子乾，腰豆，雞肉等等！mix埋一齊食好有口感~百感交集！另外要左條芭蕉葉燒爐魚，用上芭蕉葉包住條魚黎燒陣陣既蕉葉香燻吸到魚既表層，魚肉亦好香滑細緻綿密不乾身，好新鮮最後要左個芒果糯米飯，椰汁香甜配上黑白糯米飯，口感煙韌！個人比較愛吃黑糯米，入口更香甜！芒果果肉亦夠哂多同大份~小b子亦好滿意今晚的晚餐。