台灣霧之戀 (已結業)

飲品想吸引新客源，一定要出奇制勝，攪攪新意思。台灣霧之戀嘅芒果椰奶系列就做到喇！杯身嘅特別造型已經與衆不同，而且當飲品預備好，仲有煙霧效果，源於乾冰藏於杯底造成的特效，令人注目。上層闊邊位舖滿金黃色芒果肉，令人垂涎欲滴，食落當然甜絲絲，充滿芒果香味。再飲啖椰奶，稍甜，未知可否調較甜度，但椰味香濃，幾好飲。該系列飲品配有其他材料選擇，例如：白色珍珠、小竽圓、蘆薈爽……，揀咗白色珍珠，甜甜地，少少煙韌，好配合整個味道。 其實舖頭定時都推出唔同嘅飲品做優惠，價錢合理，一於下次再試。