台灣霧之戀 (已結業)

女朋友好鍾意食芒果🥭 今晚喺尖沙咀食完晚飯之後 經過呢間台式飲品店 見到有一對情侶攞住一杯好有氣勢嘅野飲 上面杯蓋側邊有個兜 裝住一啲芒果粒粒🙊 然後杯身部份係咁噴煙 為食嘅女朋友見到 都唔理頭先食到幾飽 係都話要買返杯😦原來嗰杯咁有氣勢嘅飲品叫超級芒果三重奏 一攞到上手已經要瘋狂打卡 影到佢下面啲煙冇乜先捨得開始飲😂 上層嘅芒果固然食到芒果嘅香味 飲品嘅椰奶味都好出 椰奶同芒果嘅味道都好夾 而白雪珍珠再加添咗芒果以外嘅口感 真係有好多層次😗 白雪珍珠都幾煙靭 加埋芒果嘅甜味 椰汁嘅香味 女朋友都好滿意呢杯飲品😎女朋友話淨係用嚟打卡都值回票價啦🤭 仲要味道都唔錯 所以佢話下次想嚟飲吓其他台式飲品喎🙈