芋圓一

營業中

休息中

同小朋友去完學校，經過呢間甜品店原本諗住只係買兩支嘢飲，點知小朋友見到有小食，我再上網睇一睇原來呢間小店都幾出名，網上全部評語都話一定要試佢嘅芋圓，反正都咁熱，我哋就一於入去店內坐低試吓，小店地方唔大，2樓有得坐，最緊要冷氣開放， QR code自己落單，店員就會將我哋嘅食物送上2樓。我點咗一碗甜品，入邊有齊芋圓，仙草，蒟蒻，最緊要係芋泥底，食落口真係好香，配料真係做得好出色，好有口感，果然係呢度最有質素嘅甜品。而小朋友就要食炸燒賣，仲有魚片頭都做得好彈牙，炸物新鮮炸起外脆內軟，有少少椒鹽嘅味道，唔需要點豉油都好好味。而且佢嘅飲品唔會好甜，但好足料，我點咗桃膠牛乳，桃膠佔咗一半，實在值得一讚。