影片
更多
2021-10-14
191 瀏覽
呢一間芋圓經常聽到身邊既人推薦,但之前因爲店鋪搬遷及裝修所以一直未試到！難得佢地終於重開就即刻上黎試下佢地既芋圓.自選DIY 6款 hkd$40芋圓口感好Q彈煙韌,由外到內既質感都好綿糯唔會外面煙韌但內裏好實.帶芋頭香但相對無蕃薯圓同焙茶圓個味道更出.蕃薯圓口感比芋圓更Q彈又唔會黏牙,蕃薯味好出而且帶淡淡自然既蕃薯甜味.焙茶圓比預期中更有驚喜！焙茶控必試,佢既焙茶味係極濃郁茶味香醇帶回甘香.口感同樣煙韌綿糯.奶茶凍既奶茶味香得黎又唔會過感,食得到奶茶凍帶點錫蘭紅茶既茶底香.質感奶溜又帶點彈牙感.
張貼
