陳茶館芋圓甜品專門店 (黃埔天地第3期百寶坊)

營業中

休息中

係社交媒體見到呢間新開芋圓甜品專門店介紹，今日咁啱同朋友係附近食飯，即刻決定黎試一試當飯後甜點。店舖位置係黃埔站附近，方便又易揾。鋪頭裝修明亮又舒服，堂食座位數目都唔少。入座後可選擇素描餐枱上既QR Code落單，即時付款，稍後店員就會將食物送上，非常方便快捷。除咗芋圓甜品外，都有一些傳統甜品及飲料選擇，選項頗多，令人眼花撩亂。甜品方面，今日揀左大滿貫燒仙草（奶茶底），內有紅豆，珍珠，芋圓同仙草。甜度控制得唔錯，紅豆軟硬適中，芋圓三款各有2-3粒，全部都好好食。堂食期間都見有好多人到此選購外賣，下次黎開附近，應該都會再黎試埋其他甜品。