奏海鮮火鍋 (已結業)

難得聽日放假，今晚約咗兩個靚女食飯， 大家考慮咗一陣最後決定打邊爐， 同女仔食飯打邊爐有個好處， 當佢哋狂講女人嘢好鬼悶嘅時候，我自己就可以嘆肥牛冇咁戇居！哈哈……話明同靚女食飯，揀地方環境一定要乾乾淨淨，同埋地點亦都要方便大家為主。 今次嚟咗尖沙咀寶勒巷奏海鮮火鍋， 環境真係唔錯, 地方乾淨企理 ,枱與枱之間的空間足夠,下次人數更多種可以book埋房添!我哋叫咗個招牌奏海鮮火鍋作湯底， 超級足料，味道清甜, 一般海鮮湯底只用水蟹但這裏的蟹超多膏同肉， 再加上海參蜆肉鮮蟹柳等等配料，絕不是一般海鮮湯底可比。我哋想試多幾個不同菜色，所以只點選了小本地黃牛。 但分量已足夠我們三個人。根據經理介紹，這裏屬於牛腩稍前的位置，肉質好，口感足，牛味濃， 一定要試！海鮮方面， 我們點算了桂花蚌和珊瑚蚌雙拼， 份量給兩三個人剛剛好, 海鮮配上湯底剛剛好， 個人較喜愛桂花蚌。至於鱔片亦是水準之上。最後經理介紹 ,他們的水餃是最新鮮和自製工場, 他們的水餃是皮薄餡靚 ,所以食完水餃後已不能在叫烏冬及公仔麵，真係非常飽了。 不過最後開胃的我還是忍不住叫了一碟魚卜， 因為個人特別喜愛魚卜，所以這碟不能評分了！