影片
更多
2019-08-08
184 瀏覽
有次行過白布街見到呢間新開的爐端燒, 見到個門面好靚已經好想試, 剛好有姊妹生日就即刻趁機去book位啦!! Book 位時店員已經好細心, 可能見我book 6位都估我係party, 所以主動問我係咪生日食飯, 話會安排2樓大枱俾我, 話適合人多傾計, 我覺得呢下好抵讚, 一間餐廳食物好當然重要, 但如果service差, 再好食我都唔會再幫襯。到生日飯當晚果然安排咗2樓俾我地, 原來2樓同地下風格好唔同, 上面寬敞好多, 走型格路線, 老闆話可以係俾人包場。 佢地食物款式好多, 我地成班姊妹七嘴八不停問問, 老闆就好有耐性咁為我地續一介紹, 老闆話原來佢地除咗爐端燒外, 主打係日本清酒, 佢引入咗好多唔同的清酒配襯唔同食物, 款式比一般酒屋仲要多, 可惜我地第二日要翻工, 所以無點酒, 但老闆就好好人咁送咗幾杯口感帶有微甜的清酒俾我地試下。我地未開飯已經決定揾無個happy Friday 再黎飲過! 最後我地點咗, 涷蕃茄同燒雞泡魚干做前菜, 涷蕃茄同個秘制汁超夾, 酸酸甜甜勁開胃, 而個燒雞泡魚干真係極力推介!!! 原本諗住雞泡魚干都係咁上下味啦, 點知一放入口先發現又軟熟又有咬
Book 位時店員已經好細心, 可能見我book 6位都估我係party, 所以主動問我係咪生日食飯, 話會安排2樓大枱俾我, 話適合人多傾計, 我覺得呢下好抵讚, 一間餐廳食物好當然重要, 但如果service差, 再好食我都唔會再幫襯。
到生日飯當晚果然安排咗2樓俾我地, 原來2樓同地下風格好唔同, 上面寬敞好多, 走型格路線, 老闆話可以係俾人包場。 佢地食物款式好多, 我地成班姊妹七嘴八不停問問, 老闆就好有耐性咁為我地續一介紹, 老闆話原來佢地除咗爐端燒外, 主打係日本清酒, 佢引入咗好多唔同的清酒配襯唔同食物, 款式比一般酒屋仲要多, 可惜我地第二日要翻工, 所以無點酒, 但老闆就好好人咁送咗幾杯口感帶有微甜的清酒俾我地試下。我地未開飯已經決定揾無個happy Friday 再黎飲過!
最後我地點咗, 涷蕃茄同燒雞泡魚干做前菜, 涷蕃茄同個秘制汁超夾, 酸酸甜甜勁開胃, 而個燒雞泡魚干真係極力推介!!! 原本諗住雞泡魚干都係咁上下味啦, 點知一放入口先發現又軟熟又有咬口, 真係必食推介!
跟住上咗刺身船, 一上菜我地已經Bing Bing眼, 刺身真係呃唔到人, 望個樣已經知水準! 超級生鮮! 之後到主菜串燒, 雞牛豬海鮮蔬菜我地樣樣都點咗D, 味道好之餘火喉燒得剛剛好, 脆口得黎入面唔會太乾, 好食! 我地食得太開心, 好多都唔記得相機食先就落咗肚, ,可惜可惜, 唯有下次再食再影!
我極力推介佢地的燒黃油雞! 佢一上菜已好香, D皮燒到脆卜卜金黃色但又唔會燶, 雞肉仲keep到嫩滑同埋真係雞有雞味, 絕對唔係冰鮮雞, 老闆話原來黃油雞唔係日日有, 佢地轉過幾種雞先揾到理想的質素, 仲話如果當日貨唔夠靚佢地係唔會做, 所以真係要有食神先會食到!
40 瀏覽
0 讚好
0 留言
燒黃油雞
20 瀏覽
0 讚好
0 留言
燒露荀
13 瀏覽
0 讚好
0 留言
張貼
