たまご園 (北角匯) (已結業)

略略聽過呢間過江龍餐廳都幾有名氣，就一於去試下佢，果然冇令我地失望！極力推介佢地既玉子燒，蛋既味道加埋啲甜甜地既味，係我係香港食過最似係日本食既味道😍呢個一定要襯熱食，我地叫原味真係好香好滑之後就輪到個燉牛肉蛋包飯，賣相真係一流，好靚😍😍😍除左個蛋都係咁香咁滑之餘，個燉牛肉都好滑好冧，做得幾有水準👍🏼試埋佢地個滑蛋豬扒飯，都幾滿意，塊豬排系斜切，都唔算鞋口，唯一有啲失望係個蛋漿同汁唔夠多，食到底已經冇曬汁。如果可以落多少少蛋就好了😂以呢個價錢食到呢個質素既食物，個人覺得相當唔錯，下次黎一定會試埋佢地既其他野食😋