巴蜀烤全魚 (已結業)

呢排禁6點後堂食，真係好難夾到friend一齊出去食飯，但適逢友人生日，諗住問一問先喇，點知大家lunch都得閒，咁就一齊去食飯喇。一直都好鍾意食烤魚，之前試另外一間，價錢又貴味道又麻麻地，聽友人介紹話巴蜀烤全魚好好味，佢幾乎每個星期都食一次🤣🤣🤣（真係好誇張）所以特登黎九龍城試下。lunch時間，都預想到唔會有太多人食烤魚，不過餐廳都坐左唔少人，事源佢唔單止賣烤魚，仲有午市套餐，好多種選擇，想過下川菜既口癮但又冇時間坐係到慢慢食烤魚既可以試下佢既午市套餐，我就咁瞄到隔離檯都見到個碗仲大過我個頭😂😂下次都會試下店入面飄住一陣烤魚既香味，但又唔係似其他烤魚店咁特別濃，淡淡既烤魚香不斷刺激味蕾，口水都不停咁流🤤🤤等齊友人快快手交左個烤清江魚。我地三個人，叫左一條清江魚，味道揀左麻香辣小辣，配菜叫左大豆芽、秀珍菇、金針菇、芹菜，呢四款係一個set，42蚊一份，前後加左兩份薯粉、一份羊肉卷、一份腐竹、半打串燒同一份萵筍，另外叫左兩枝飲品，食到好飽好飽🤰🏻🐟條魚上得好快，咁應該就唔係烤喇，應該係炸出黎，不過都唔要求咁高，好食就算😹滿滿既京蔥、芫茜擺係魚上面，好香！魚肉好緊實，唔會一夾就散，我地一