影片
更多
2013-06-03
888 瀏覽
翡翠，由中學時代已經開始食，一直都有幫襯，雖然唔係好頻密，但一唔知食乜或周圍都要等位既時候，就會揀翡翠，因為水準有保証。仲有，細個個時，就係因為佢既小籠包，慕名而來，記得當年要齊人先入得，同埋對一個中學生黎講真係好貴，但都要食，就係因為個保証。但我諗呢個保証，從今次起已經－消－失－了！！！又係食晚飯時間，又撞著周圍都多人，鍾情於中菜既我，睇一睇水牌，原來附近有間小籠包，二話不說，就去排隊。等１０張檯，見佢都多檯，ＯＫ！等左２０分鐘左右，入得，都算快～坐底，原來有特別介既餐牌放左係隔離檯，無人同我地講過，叫晒原本份ＭＥＮＵ既餸，算啦～都叫左咯，不過要扣分！叫左個宋嫂魚羮，百頁結豬肉，清炒蝦仁同一籠小籠包。宋嫂魚羮，唔錯，水準不失。跟住上清炒蝦仁，份量少得可憐，連集碟都放唔滿，見到碟底，連一向細食的女友都忍唔住話好細碟，不過事實証明佢俾多我都冇意思，因為咁細碟都冇食晒。第一夾，放入口，暖既，都唔似即炒出黎，個熱既程度就好似超市買兩餸飯用個Ｄ爐輕輕慶住咁。。。當大家都笑某飲食主持雞有雞味既時候，我諗慢慢地，雞有雞味真係已經成為左食神既標準。因為碟蝦真係可以完全冇蝦味！簡直好似分子料理既素蝦，
但我諗呢個保証，從今次起已經－消－失－了！！！
又係食晚飯時間，又撞著周圍都多人，鍾情於中菜既我，睇一睇水牌，原來附近有間小籠包，二話不說，就去排隊。
等１０張檯，見佢都多檯，ＯＫ！
等左２０分鐘左右，入得，都算快～
坐底，原來有特別介既餐牌放左係隔離檯，無人同我地講過，叫晒原本份ＭＥＮＵ既餸，算啦～都叫左咯，不過要扣分！
叫左個宋嫂魚羮，百頁結豬肉，清炒蝦仁同一籠小籠包。
宋嫂魚羮，唔錯，水準不失。
跟住上清炒蝦仁，份量少得可憐，連集碟都放唔滿，見到碟底，連一向細食的女友都忍唔住話好細碟，不過事實証明佢俾多我都冇意思，因為咁細碟都冇食晒。第一夾，放入口，暖既，都唔似即炒出黎，個熱既程度就好似超市買兩餸飯用個Ｄ爐輕輕慶住咁。。。當大家都笑某飲食主持雞有雞味既時候，我諗慢慢地，雞有雞味真係已經成為左食神既標準。因為碟蝦真係可以完全冇蝦味！簡直好似分子料理既素蝦，雪藏就肯定架喇，但仲要係下價貨，收我成舊水一碟，俾Ｄ連街邊貨都不如既野我，認真 因為味道既關係，最後無食晒，所以俾滿一碟我都真係冇意思。
小籠包，以前真係會為左佢個小籠包黎食，但唔知係佢退步左，定係我咀刁左，今次食，真係覺得冇咩特別，係俾普通茶樓既好丁咁多，但冇個種湯盈盈於內既精髓，咬開亦唔多湯，同我係台灣鼎泰豐食既真係天壤之別。係咪除卻巫山不是雲呢？
定係真係師傅青黃不接？因為當我夾起小籠包之時，已經唔再需要小心奕奕，皮，已過厚了。。。
此時，檯已滿，再來百頁結肉，阿姐忍唔住出聲話張檯細。我明白香港地租金貴，生意難做，但我圍返人頭都百幾蚊一位，需要食到咁嗎？難怪隔離幾檯都係叫兩碗粥或麵，一籠弓籠包，食完就走。的確，此種格局，只會鼓勵人叫下價野食，叫少Ｄ野食，惟有越做越底檔次了。
講返碟肉，醬汁夠味，肉煮過林了一丁點，但相信有人喜歡這樣，只是個人口味已而，肥瘦比例僅僅合格，因為肥膏比肉多，而打著有營食肆旗號，和形象實有點。。。最後因為健康關係，唔敢食晒Ｄ肥膏，食埋Ｄ肉就算。
嗌埋單都叫左３次搞掂。本來想食埋甜品，但咁既食物質素同環境，免了！如果再有下次入翡翠，我諗只會係其他餐廳排長龍，佢又唔使等位既情況底下先會再去。
張貼