和食居

營業中

休息中

日日都要搵晏食, 唔通日日都有好野食咩。係資源緊拙又唔想食得太頹，真係有啲傷腦筋。好彩比我係灣仔發掘到呢間良心小店。店舖細細，有幾張高枱，坐就唔算好坐，但食物才是重點。午飯時間，人唔算太多，套餐食品主菜加配野飲或小食。一個餐平均40至50蚊, 如果學生更有學生餐，30蚊左右有個魚生飯。真心良心價!講返食物質素，因為個人偏愛滑蛋豬人扒飯，佢個豬扒份量好足，新鮮現炸，夠脆但唔乾，係略嫌有啲油味。豚肉生薑燒同樣足料，肉片洋蔥都好多，味道有淡淡黑椒香氣，驚喜大like。飯係珍珠米，沒有將價就貨。抵讚!仲有野飲都唔hea,  係有黑糖薑茶揀,岩哂我呢啲養生既。