犢食 (已結業)

雞腿湯咖哩定食.雞腿肉好厚肉而且雞皮唔會過厚,食落啖啖肉唔肥膩.肉質夠嫩滑得黎無雪藏味,係雞腿肉之間滲入咖喱湯所以咬落唔會乾充滿湯汁.除左雞腿肉外,底下仲有唔同既蔬菜做伴菜,平衝返太多肉類既膩滯感.蔬菜吸入晒湯咖喱既味道,入口藏點辛口甘甜香味.咖喱湯味道夠濃郁,配飯一流.醬油煮蛋中間呈半流心既蛋黃入口濃厚,蛋黃又夠香.加上用醬油煮,蛋白染上淡醬油色,味道帶幾香甜既醬油香.鰹魚汁炸豆腐.豆腐用玉子豆腐,輕輕炸過入口微脆內嫩滑.係炸豆腐上加上木魚碎片入口帶點鹹香既木魚味.再沾上底下浸住炸豆腐既鰹魚汁清香鮮甜唔會得個鹹味.