影片
更多
2021-05-13
43 瀏覽
🌟 呢餐係：「食得快而唔急」嘅一餐去泰國旅行嘅時候，其中一樣一定要食嘅一定係水門雞🐔雖然我個人就覺得同海南雞飯差唔多～ 但係醬汁方面就大有不同嘅🤔 今次就試喺香港已經開咗4間分店嘅水門雞飯，去到門口都有條隊仔咁，但係好快就已經入得😍🐔水門雞飯 $52 + 雞雜 $10落完單就會上碗冬瓜湯。冇乜特別，唔算清甜，幾重胡椒味，都ok嘅。個水門雞食落都幾滑，但雞味就唔算重所以就建議點醬汁。油飯就偏濕，應該係失手啫👌🏻 個人覺得味道都可以，但係可以再重少少雞油味會再好味啲👍🏻 🍝蛋包鳳尾雞金邊粉 $78金邊粉炒得好惹味，味道啱啱好，點埋側邊啲辣椒粉辣辣地，好似泰國食嗰啲！😋 蛋就中規中矩，但係個人鍾意啲蛋炒埋入個padthai多啲！啲金邊粉烚得唔夠耐，有啲仲有少少硬🥴 啲蝦彈牙又唔會成浸雪藏味🦐 平時食開有雞肉一齊炒嘅，呢個就淨係得4隻蝦仔。雖然都大份，但係呢個價就真係少少貴啦🤥🍞烤麵包 $16今晚好好彩俾我地嗌咗最後一份烤麵包～ 🥰 睇佢相燒得好靚仔，又唔貴，所以就嗌咗碟。黎到少少失望，因為烤到隻色唔太均勻同埋可以再脆口同埋燶啲☹️ 我個人覺得個醬好似炒咖哩嗰隻咖哩汁，但係同行嘅tcc話食到沙嗲
去泰國旅行嘅時候，其中一樣一定要食嘅一定係水門雞🐔雖然我個人就覺得同海南雞飯差唔多～ 但係醬汁方面就大有不同嘅🤔 今次就試喺香港已經開咗4間分店嘅水門雞飯，去到門口都有條隊仔咁，但係好快就已經入得😍
🐔水門雞飯 $52 + 雞雜 $10
落完單就會上碗冬瓜湯。冇乜特別，唔算清甜，幾重胡椒味，都ok嘅。個水門雞食落都幾滑，但雞味就唔算重所以就建議點醬汁。油飯就偏濕，應該係失手啫👌🏻 個人覺得味道都可以，但係可以再重少少雞油味會再好味啲👍🏻
🍝蛋包鳳尾雞金邊粉 $78
金邊粉炒得好惹味，味道啱啱好，點埋側邊啲辣椒粉辣辣地，好似泰國食嗰啲！😋 蛋就中規中矩，但係個人鍾意啲蛋炒埋入個padthai多啲！啲金邊粉烚得唔夠耐，有啲仲有少少硬🥴 啲蝦彈牙又唔會成浸雪藏味🦐 平時食開有雞肉一齊炒嘅，呢個就淨係得4隻蝦仔。雖然都大份，但係呢個價就真係少少貴啦🤥
🍞烤麵包 $16
今晚好好彩俾我地嗌咗最後一份烤麵包～ 🥰 睇佢相燒得好靚仔，又唔貴，所以就嗌咗碟。黎到少少失望，因為烤到隻色唔太均勻同埋可以再脆口同埋燶啲☹️ 我個人覺得個醬好似炒咖哩嗰隻咖哩汁，但係同行嘅tcc話食到沙嗲味🤨 咩都好，嗰汁幾好味，唔會太鹹或則唔夠味，但係可以熱返個汁會好啲。
環境質素：🌕🌕🌕🌑🌑
食物質素：🌕🌕🌕🌑🌑
CP值：🌕🌕🌕🌑🌑
回頭指數：🌕🌕🌕🌗🌑
其實佢成個menu啲嘢都好吸引。我就覺得水門雞嘅價錢都可以接受，其他就偏貴🥴 食物質素都算可以接受，但係就一定唔係最好食。值得一讚，員工都好nice服務態度都好好👍🏻 雖然都有唔少嘅進步空間，但係好彩都唔算係致命嘅位黎，所以下次諗唔到食咩都會再去😋
張貼
