有得餃

本人鍾意食飯多過食麵 所以一見到有間主打餃子既麵舖就諗都冇諗入左去

先叫左碗藥膳雞腳湯 好足料同埋完全冇味精味 飲完完全唔覺得口渴 但個人覺得雞腳太淋 

秘製上等德國醉豬手 超入味但又唔會做到好難咬同好苦既口感 $58極推薦

最後到主菜 餃子麵!! 個日叫左個白菜豬肉餃 老老實實就冇乜特別  但麵質超彈牙，亦吸曬個湯既味
另外再加多份蕃茄豬肉餃 比起白菜豬肉，呢個好食好多，食落好新鮮 好岩夏天食

兩個人食到勁飽 埋單都係around $200 性價比都幾高 麵店黎講係元朗都算幾高質