木糠甜品屋 (已結業)

食完晚飯後一行9人浩浩蕩蕩行入木糠甜品屋~坐低咗之後大家7嘴8舌咁傾下食啲乜, 最後決定咗食啲甜品再加個小食~ 分別係:原味木糠蛋糕: 好好味~咖啡味木糠蛋糕: 真係咖啡味十足~咁多種木糠蛋糕以佢最好味~巧克力味木糠蛋糕: 有啲似tiramisu嘅味道...芒果味木糠蛋糕: 無味...桂花糕: 好香嘅桂花味~ 口感係大菜糕...巧克力士多啤梨糯米糍: 粒士多啤梨勁酸...><芒果糯米糍: 好普通...無乜特別...榴槤pancake: 好香榴槤味~ 不過可能喺雪櫃時間長, 但面乾之餘仲裂埋...雞軟骨: 份量唔算多, 不過好難得啲雞軟骨係肉骨比例平均嘅~再講,去洗手間嘅時候個廁盆(男)(因為只有一個男女公用嘅廁所...)突然自動沖水, 但係啲水去得慢, 結果啲廁所水流曬出嚟...我望到之後就無曬繼續食嘢嘅意欲...總括而言, 佢地嘅木糠蛋糕真係可以捧下場, 不過其他就要諗清楚啲先好試...尤其係芒果系列...