角落 三二 (已結業)

舖內裝修、環境、衛生同職員態度都好好，而食物方面，味道唔錯，擺設亦好有心思，可能廚房設備比較簡陋，如果想試既話，要有心理準備等好耐（今晚試其中1個set dinner豬仔脾就等左1個鐘左右），而且只係屬於微暖，令到成親飯扣哂分。。。飲品方面嗌左杯招牌Corner 32同埋熱朱古力，個杯同隻匙羹好有心思，呃like一流👍🏼Corner 32係點題飲品，係杯檸檬薄荷葉梳打水，味道幾清新唔錯；而另外杯熱朱古力就偏甜，不過最大問題係微暖，完全唔熱😅 而今晚嗌左兩個set dinner，我個份係芝士流心蛋烤大蘑菇意大利飯配黑醋沙律，味道幾夾，只係同杯熱朱古力一樣，又係微暖，好似唔係即時整咁 最大問題係另外呢份set dinner，我地揀焗豬仔脾加蕃茄焗意大利飯配烤蒜頭，足足等左45分鐘🙈🙈但是奇怪係依然都屬於微暖，好似擺左好耐先拎出黎咁整體黎講，無論環境抑或食物味道都唔算差，份量對男生黎講可能偏少，時間上實在等太耐，會無心機食；另外每款食物都係微暖既問題實在太嚴重，所以未必會去試。